وخلصت … الحدوتة

ما نرضاش
يخاصم القمر السما
ما نرضاش
تدوس البشر بعضها
ما نرضاش
يموت جوة قلبى نــدا
ما نرضاش
تهاجر الجزور ارضــــها
ما نرضاش

قلبــى جواى يغنـى
الاجراس تدق لصرخة مــــــيلاد
تــموت حتة منـــــــــــــــــــــى
الاجراس بتعلن نهاية بشر من العبــــــــــاد

دي الحكــــــــــــمة قتلتنى وحيتنـــــــــــى
وخلتنــــــــــــــــــى
اغوص فى قلب السر
قلب الكون
قبل الطوفــــــــــــــــان مايجى
خلتنـــــــى اخاف عليكى يا مصــــــــــــر
واحكيـــــــــــــــــــــــــــــلك على المكنون

مــــــــــــــــين اللى عاقل فينا مين مجنون
مــــــــــــــــين اللى مدبوح من الالــــــــــم
مـــــــــــــــين اللى ظالم فينا مـين مظلوم
مــــــــــين اللى ما يعرفش غير كلمة نعم

مــين اللى محنيلك خضار
الفلاحين الغلابة
مــــــين اللى محنيلك عمار
عمالك الطيابة
مـين اللى بيبع الضمير
ويشترى بيه الدمار

مين هو صاحــــــــــــــــــــــــب المسألة
والمشـــــــــكلة والحكاية والقــــــــــــــلم
رأيت كل شىء
وتعبت على الحقيقـــــــة
قابلت فى الطريق
عيــــــــــون كتير بريئة

اعرف بشر
عرفونـــــــــــــى لأ
لأ ماعرفونيش
قبــــــــــــــــلونى
وقبلتهــــــــــــــــــــــم
بامد ايدى لك
طب ليـــــــــــــه ماتقبلنيش
لا يهمنــــــى اسمك
لا يهمنـــــى عنوانك
لا يهمنــــــى لونك ولا ميلادك مكانــــــــك

يهمنـــــــــــــــى الانسان
ولو مالوش عنوان
يا ناس يا مكبوتة
هي دى الحــــــدوتة
حدوتة مصــــــــــــــــــــرية


الله يرحمك … يابا

ما بين … الهبوط والإقلاع

يرجى من حضرات ركاب طائرة طيران الجزيرة رحلة رقم 123 والمتجه إلى الإسكندرية التوجه إلى الطائرة من خلال البوابة رقم 22 … لابد أن أسرع كفاني تسكعاً في ممرات السوق الحرة، إن طائرتي ستقلع في الساعة العاشرة والنصف مساء اليوم وتصل في الثانية من فجر الغد إلى الإسكندرية … والطريف أن العودة ستكون على متن نفس الطائرة أيضا في الثانية والنصف فجرا والوصول إلى الكويت في السادسة صباحاً … وما بين الرحلتين شهرين ونصف ساعة.

إن الحركة دءوبة في المطار على مدار الساعة، وعلى مدار الساعة ترى نفس المشاعر المتضاربة السعيدة والحزينة المتشوقة والمودعة الابتسامة والدمعة، حتى الدمعة ذاتها متباينة فيما بينها ترى دموع حزن في الوداع ودموع فرح في اللقاء، الناس تختلف لكن تبقى المشاعر الإنسانية توحدهم … تتقاطع المشاعر فيما بينها كما تتقاطع رحلات خطوط الطيران بين هنا وهناك، ولا تدري من يعيش من … هل هم من يعيشون مشاعرهم، أم أن مشاعرهم هي التي تعيشهم.

لحظات الانتظار مملة ورتيبة قبل الإقلاع ، بين قارئ لجريدة وهو لا يعي من سطورها أي شيء سوى الرغبة في قتل الوقت، ومتأمل لساعته وآخر يعبث بحقيبته ومن يتأمل المارة في ملابسهم وألوانها التي تتمازج مع جنسيات أصحابها، أحدهم يراقب البوابة متى ستفتح … وتفتح البوابة لدخول المغادرين، ويجلس كل في مكانه بعد قليل من الزحام أثناء البحث عن أرقام المقاعد، وأرتفع صوت ربط الأحزمة فوق أي صوت فالكل متأهب ويتمنى بداية الرحلة.

الطائرة في طريقها تشق الممر والمضيفون يشرحون تعليمات الأمن والسلامة، ارتفعت الطائرة مغادرة الأرض فراراً كطائر يتعلم الطيران لأول مرة ويرفض العودة إلى الأرض ثانيةً، وبعد أن استقرت على ارتفاعها بدا لي من النافذة التي بجواري القمر بدراً يأخذ الألباب ولأول مرة أرى القمر وأنظر إليه بمنتهى الندية جنباً إلى جنب كنديمين أضع يدي على كتفه ويضع يده على كتفي في نزهتنا على شاطئ البحر نقذف مياهه بأرجلنا، وليس كما أراه وأنا على الأرض وكأننا القزم والعملاق … يستمع لمناجاتي له رغم بعض الشحوب على وجهه المتواري أحياناً خلف سحب الصيف التي تمر بيني وبينه.

أغمضت عيني على ضوئه وأخذني الحنين إلى الوطن بكل ما فيه حلوه ومره، مسترجعاً النظرة الأخيرة التي تركها كل شخص في مخيلتي حاضرة أمامي وكأني تركته بالأمس القريب، سواء كانت هذه النظرة تحمل ابتسامة أعتقد بأنها مازالت مرسومة على شفتيه وسيلاقيني بها … أو نظرة لومٍ وعتاب على خلافٍ دب بيني وبينه سواء كنت مخطئاً فيه أم لم أخطئ … وكأن الزمن توقف لحظة مغادرتي لوطني أخر مرة … وعدت لأستكمل بقية الأحداث المتوقفة في انتظاري.

أيقظني من غفوتي صوت منبعث من كابينة القيادة … الساعة الآن الواحدة وخمسة وأربعين دقيقة درجة الحرارة 25 درجة مئوية سنصل إلى مطار الإسكندرية بعد قليل، على السادة الركاب ربط الأحزمة ورفع المقاعد وفتح ستائر النوافذ … واحتضنت عجلات الطائرة أرض المطار بشوق كل لحظات الغربة.

ومضى الشهران بين الأمنيات التي كنت ألهث سعياً لتحقيق أكبر قدر منها … والأخرى المحطمة على صخرة الواقع الذي اختلف عما تركته بدون أن أدري أن عجلة الزمن لا تتوقف في انتظار أحد، وما رأيته في العيون ليس ذلك الذي تخيلته، لكني رأيت قسمات السنين جاثمة على الوجوه … وكما أتأملهم خلف ابتسامة ربما تكون مجاملة فإنهم يتأملوني أيضاً ليرى كل منا … ماذا فعل الزمن بالآخر!!!

عدت من حيث أتيت أنتظر طائرة العودة القادمة في الثانية والنصف فجرأً، ويهرول ركابها القادمين كما كنت منذ شهرين، صعدت إلى الطائرة والمضيف ذاته يقوم بنفس العمل … لكن بملل ورتابة تملؤه هذه المرة من عناء رحلة العودة، وحينما كانت عيناي معلقتان تتابعانه سقطت جفوني من شدة الإرهاق وتراءت لي مرة أخرى نفس الأحلام التي مرت بخلدي في طريق الذهاب … لكن بقدر أكبر من الإحباط.

مرة أخرى ينبعث نفس الصوت من كابينة القيادة، الساعة الآن الخامسة والنصف صباحاً… وبفتح ستائر النوافذ ملأت أشعة الشمس في شروقها كابينة الطائرة وبدت واضحة على الجانب الأخر من المقاعد المقابلة، وبعض العيون التي ما زالت غارقة في النوم تتأفف من وخزها لجفونه فتراجعت الشمس عن إيقاظهم على استحياء وارتفعت أشعتها بكل النوافذ لأعلى سقف الطائرة في حركة واحدة مع ميلان جناح الطائرة الذي بجواري إلى أسفل وعندما عاد لوضعه الطبيعي مرة أخرى عادت ثانية وكأن أشعتها المنسابة من النوافذ بحركته يحكي أروع مشاهد البالية من بحيرة البجع لفرقة البلشوي الروسية … وقد غلب التناغم والنعومة على لحظات الوصول.

أفقت على اصطدام العجلات بأرض المطار … وانتهت رحلتي ومر الشهران مرور البرق، وكأنها لم تتجاوز النصف الساعة التي كانت ما بين الهبوط … والإقلاع.

سمعت أثناء خروجي من المطار أصداء صوت صلاح جاهين في رباعيته … إقلع غماك يا تور وارفض تلف … اكسر تروس الساقية واشتم وتف … قال : خطوة كمان وخطوة كمان … يا أوصل نهاية السكة يا البير تجف.

في شقة مصر الجديدة

أنا قلبي دليلي قالي هتحبي … ودايماً يحكي لي وبصدق قلبي … أنا قلبي دليلي … حبوبي معايا من قبل ما اشوفه … قلبي ده مرايه مرسوم فيها طيفه … شايفاه اه بخيالي … سمعاه اه بيقولي … يا حياتي تعالي تعالي … غني لي تملي وقولي لي تملي … الحب ده غنوة … كلها احلام … احلامها الحلوة … احلى انغام

على هذه النغمات الراقصة تبحث نجوى (غادة عادل) الفتاه القادمة من شمال صعيد مصر عن حبيبها الكائن بقلبها قبل أن تراه، بطلة فيلم "في شقة مصر الجديدة" 2007 للمخرج محمد خان والذي عرض في إطار أنشطة الأسبوع الثقافي المصري بالكويت

تذهب نجوى إلى القاهرة في رحلة مدرسية مع طالباتها بعدما أصبحت مدرسة موسيقى في نفس المدرسة التي كانت طالبة بها، مستغلة هذه الرحلة في البحث عن مدرستها تهاني التي ارتبطت بها وتذوقت على يديها الموسيقى والمعاني الحقيقية لحب الحياة، وظلت هذه العلاقة قائمة بينهما رغم نقل تهاني من مدينة المنيا إلى القاهرة من خلال المراسلات والإهداء في البرامج الإذاعية

تصل نجوى إلى عنوان شقة تهاني في مصر الجديدة لتجدها غير مقيمة في شقتها ولا احد يعرف مكانها وكل مراسلاتها السابقة لم تصل ليد تهاني وموجودة لدى الساكن الحالي لهذه الشقة يحيى (خالد ابو النجا) الذي يعمل في البورصة متأثراً بحياة المدينة الصاخبة مستقلاً دراجته النارية يجوب بها أرجاء المدينة والمرتبط بعلاقة حب باءت بالفشل لعدم رغبته في الزواج رافضاً قيوده، ويعد البطلين أشخاص عاديين من عالمين مختلفين تجمعهما قصة البحث عن تهاني

ويكتنف الأحدث لحظات من الغموض والإثارة لتوهم يحيى بوجود شبح روح تهاني في الشقة لاعتقاده أن هناك شيء ما غامض حدث لها بسبب غيابها غير المبرر، وبعد فشل نجوى في الوصول إلى تهاني لا تستطيع اللحاق برحلتها في قطار العودة مع رحلتها ويساعدها سائق التاكسي (أحمد راتب) ـ أرمل وله بنتان توئم ـ بالمبيت في بيت مغتربات الذي تديره (عايدة رياض) التي تحب سائق التاكسي حباً صامتاً

حاولت نجوى في اليوم التالي الوصول إلى تهاني وذهبت إلى المدرسة التي كانت تعمل بها أخر مرة دون الوصول إلى أي معلومة تفيدها في بحثها ثم زارت شقة يحيى مرة أخرى للبحث عن أي شيء يدلها على طريقها الذي رفض مساعدتها في بادئ الأمر وعندما تلمس تلقائيتها وجهلها بالقاهرة بعد تعرضها لشجار نشب بينها وبين شاب مستهتر صفعها على وجهها فتشاجر معه يحيى دفاعاً عنها وهي مغيبة من هول ما حدث لها غير مصدقة أخلاقيات العاصمة

تلامس شرارة الحب الأولى قلب تهاني في كدر أكثر من رائع، نرى بعيونها يحيى على دراجته البخارية وكأنه فارس أحلامها على صهوة جواده، وأثناء وجودهما في مطعم يتغزل يحيى في محيا نجوى لتقدم غادة عادل اروع أداء تمثيلي صامت يعبر عن خجلها وتوتر مشاعرها غير مصدقة ما تسمعه … هل هي هذه الفتاه التي يقال لها هذا الكلام؟ ولا تستطيع اللحاق بالقطار للمرة الثانية بعد حدوث حالة ولادة لسيدة في حمام محطة القطار وبالتالي لا تدرك قطارها

تعود إلى بيت المغتربات مرة أخرى، وبعد تأكدها من مشاعرها تجاه يحيى، تسعى للوصول إليه في بيته أو عمله دون جدوى، وهو كذلك يذهب إلى بيت المغتربات ولا يعثر عليها ويزداد إيقاع الفيلم سرعة وسخونه لتشعر بالخوف على الأبطال من أن لا يكلل حبهما بالنهاية السعيدة

يعثر عليها يحيى وهي في التاكسي متجه لمحطة القطار ويركبا معاً على دراجته البخارية متجهين إلى محطة القطار ويعطيها رقم هاتفه النقال مودعين بعضهما بنظرات تحمل كل معاني الحب في نهاية مفتوحة للمشاهد

يعد هذا الفيلم بالنسبة لمخرجه محمد خان أقل من مستوى "زوجة رجل مهم" أو "أحلام هند وكامليا" لكن بمقاييس سنة الإنتاج يعتبر من أفضل الأعمال السينمائية لهذه السنة، وأوقع الفيلم غادة عادل وخالد أبوالنجا في مأزق، فماذا يستطيعان أن يقدماه بعد هذا العمل الجيد؟

نرى شخصية السيناريست وسام سليمان واضحة في الفيلم وأن لها أسلوبها السهل الممتنع في تقديم المشاعر بتلقائية شديدة كما كان في فيلمها الأول "أحلى الأوقات" إخراج هالة خليل والثاني "بنات وسط البلد" إخراج محمد خان ، وما يأخذ عليها حتى الآن انها لم تقدم سوى أفلام تعتمد على البطولة النسائية وإن كان هذا ليس عيباً كبيراً مقارنة بأفلام السوق التي تكتب فقط للرجل، حتى فيلمها القادم أيضاً سيكون بطولة نسائية كما ذكر خان في ندوته التي اعقبت الفيلم

ما يؤخذ على الفيلم هو عدم الاستخدام الجيد لأغنية ليلى مراد "أنا قلبي دليلي" كلمات أبو السعود الإيبياري ولحن العبقري محمد القصبجي وقد لا تصدق أن من قدم هذا اللحن المبهج هو من قدم لأم كلثوم "رق الحبيب" وأكتفى خان بتقديم الأغنية بصوت ريهام عبدالحكيم مع الدعاية الخاصة بتسويق الفيلم دون أن يستثمرها بشكل جيد في مشاهد متعددة كانت تستدعي وجودها على شريط الصوت أو مع تيترات النهاية وخصوصاً إنها الغائب الحاضر والمحرك الرئيسي للأحداث من خلال بحث نجوى عن تهاني إلى أن تجد ما كانت تبحث عنه فعلا … الحب
وفي النهاية يبقى الفيلم حالة رومانسية يتحدث عن الحب دون أن يقول طرف للآخر كلمة … أنا بحبك

واجب

الموضوع ده كان وصلني عن طريق مدونة

Angel Love

والشكر لها لأنها اعتبرتني من المدونين اللي تمرر لهم الموضوع ده على اعتبار انها فرصة إن كل واحد يتكلم عن نفسه بشكل أوسع شوية وبالتالي الناس تعرف بعضها اكتر وأكتر وده واضح جداً من السؤال الأول لان لما حد يتكلم عن 16 صفة فيه أكيد مش هيكون فاضل حاجة تانية يقولها، على العموم هحاول أجاوب وافتكر الـ 16 حاجة دوول وربنا يستر يطلوعوا زي ما يطلعوا … مش هتفرق حتى لو هجيب 50% ودلوقت اتوكل على الله وادخل في الموضوع بقلب جامد

أذكر 16 صفة عن نفسك ؟

أبدء منين أممممممممممم
1
اعتقد إني مهذب وبيقولوا إني عنيد بس طيب والله
2
بحب أووي أعرف ماهية الأشياء يعني اعرف الحاجة جاية منين وراحه فين ولو ليا دور فيها ابقى فاهم دور التروس اللي قبلي والتروس اللي بعدي
3
أصحابي مش كتير أوووي إنما اللي مصاحبهم علاقتي بيهم مؤثرة بالنسبة ليهم وليا
4
اعتقد إني فيررر وممكن أقبل الرأي والرأي الاخر يعني مش متعصب لوجهة نظري ولو اقتنعت عندي الشجاعة الكافية إني اعترف بخطأي وأغير موقفي
5
بحب الشطرنج أووي واخدت جوايز فيه على ادي يعني وفي كمان مرات كتير مطلعتش الأول مثلا السنة اللي فاتت طلعت الرابع على 46 متسابق وكان في بينهم 8 مصنفين من اتحاد الشطرنج ، وانا مش كاسباروف ولا حاجة أحسن حد يفكر أني جامد أووي … وعلى فكرة كاسباروف مش هو بطل العالم دلوقت أنما انا بحبه أكتر واحد علشان له موقف وصاحب قضية
6
دايماً عندي هَم عام شاغلني حتى لو مش قادر يكون ليا دور فيه أنما مهموم بيه
7
أسعد لحظاتي في العطاء حتى ولو ابتسامة في وجه طفل … كل ميسر لما خلق له
8
بحب المالديف أوووي ، وفي علاقة ما بيني وبين البحر … هتصدقوني لو قولت لكم مش عارف اوصف شكل العلاقة دي؟
9
أحب يكون لكل موقف أصل منطقي عندي علشان أكووون رأي بغض النظر عن انه صح أو غلط انما يكون ليا مبرر … اختارت ده ليه
10
عارفين في اغنية بتاعة هنيدي في فيلم "اسماعلية رايح جاي" لما بيقول فيها أنا نفسي أبقى نفسي الخ … المهم يعني أهو أنا بقى "نفسي ابقى نفسي" دي
11
بحب لون الأورينج اوووي وأظن ده واضح في البلوج مع إني مش من النوع المتفائل دايماً
12
بتعامل مع الناس بحسن النية إلى أن يثبت العكس
13
بحسب كل الاحتمالات قبل ما اخطي خطوة ويمكن ده على أد ما هو ميزة … ممكن يكون عيب
14
بالإضافة لحبي للسينما بحب الموسيقى اووووي ولها دور مهم أووي في حياتي لدرجة إن في ناس بتقول عليا لاسع علشان الشطحات الموسيقية اللي بحب اسمعها
15
مش هخبي عليكم زمان مش كنت بحب الورد يعني كنت أقول سباطة موز ولا أبوفروه أبرك لكن بعد كده حبيت الورد اوووي وبقى حاجة مهمة في حياتي … حتى شوكه اتعلمت احبه
16
اه في حاجة كمان قبل ما أنسى بحب قبل ما أدون موضوع لازم أقرا فيه الأول بحيث أن يكون كلامي مبني على أسس زي مثلا قصة قصيرة كنت بتكلم فيها عن النحل اسمها "شهداء بلاط الملكة" وعلشان معلوماتي مش كبيرة في الموضوع ده قريت عن النحل كتير اوووي علشان مقولش أي كلام وخلاص


السؤال الثاني تمرر الواجب لمين؟

مش هختار حد معين اللي عايز ياخده يتفضل لاني تقريباً لقيته في اكتر المدونات اللي شوفتها … لكن في كلمتين أحب أقولهم بالمناسبة السعيدة دي لان الكلمتين دول لهم علاقة بكل اللي فوووووووق ده

دايماً في نماذج من الشخصيات مبتتكررش كتير في حياة كل واحد فينا وممكن تيجي في العمر كله مرة واحدة ممكن تكون "عم ـ خال ـ مدرس ـ جار ـ حبيب ـ صديق" وبيكون وجودهم مؤثر في حياتنا ولحظة فارقة فيما قبل وما بعد، عاملين زي مكتب التنسيق كده مثلا … أكيد الناس دي مش بننساهم وبيفضلوا دايماً جوانا لكل اللي عملوه علشانا … أحب أقدم لهم أغنية عبدالحليم … أعز الناس

نـــور

ـ أوكي يا جماعة ممتازين، بكرة إن شاء الله نفس الحماس يبان على خشبة المسرح سواء أوركستر أو راقصين قدام الجمهور، محتاجين كل طاقتكم وإبداعكم، العرض مهم وفي شخصيات مهمة هتحضر الافتتاح إن شاء الله ، دلوقت مفيش حاجة تعملوها غير إنكم تروحوا تناموا… أوكي سلام

تحدث جلبة بين الفرحة بانتهاء البروفة الجينرال والترقب والخوف من الافتتاح، الكل يأخذ طريقة إلى خارج المسرح، الراقصون لحجرات ملابسهم والعازفون كل منهم يضع آلته في جرابها بمنتهى الرفق كأنه يغطي أحد أبنائه في ليلة شتوية كهذه

ذهبت إلى غرفة البطلة في صمت شديد بعد البروفة التي لم تقنعها لشعورها بالذنب من عدم صفاء ذهنها المشتت وهي تؤدي بطولتها الأولى … كارمن

دقات صديقتها على الباب، أثناء خروج أفراد الفرقة عائدون لبيوتهم

ـ أنت لسه بالملابس يا ضحى؟
ـ معلش سرحت شوية
ـ طب يلا … مش هتوصليني في طريقك ولا أيه؟
ـ معلش روحي مع أي حد تاني النهاردة، عايزة أقعد لوحدي شوية
ـ أوكي باي، وصوتها يتباعد وهي مسرعة، بس متقعديش كتير علشان الافتتاح بكرة ولازم تنامي كويس
ـ بصوت لا يسمعه غيرها، حاضر

استشرى الهدوء ولم يتبقى سوى بعض العمال، خرجت بملابس كارمن متوجه إلى المسرح، ووقفت في وسطه تريد أن تعيد بعض الرقصات التي اعتقدت إنها لم تكن بالشكل المرضي لها … أغمضت حواسها جميعاً، ثم بدأت تسمع صوت الموسيقى تعزف بداخلها … وفي أصعب اللحظات من جلدها للذات، قدمت أرفع أداء تدريبي لها … وما كان هذا ليقنعها، لولا تمكن الإجهاد منها فجلست وسط المسرح متقوقعة داخل مشاعرها

همهمات لصدى حوار تحفظه عن ظهر قلب

ـ سافري يا بنتي مع خطيبك صدقيني مش هيحصل لي حاجة
ـ مش ممكن يا ماما لازم تيجي معانا، صدقيني كندا هتعجبك أنا شوفتها قبل كده مع الفرقة لما عرضنا هناك
ـ صعب عليا يا ضحى أسيب مصر وأنا في السن ده، أنت لسه صغيرة وتقدري تبدئي حياتك في أي مكان
ـ مقدرش أسيبك يا ماما، ولازم أكون جنبك حتى علشان الأدوية بتاعتك ومواعيدها
ـ هعرف أدبر أموري
ـ ماما بليز وافقي
ـ بصوت مقتضب … ضحى أنت هتسافري معاه علشان هو هيبقى جوزك ومن حقك تروحي معاه في أي مكان في الدنيا، أنا كمان من حقي أفضل جنب أبوك المدفون هنا لحد ما يجي يوم وأدفن جنبه
ـ بروح الدعابة … متقوليش كده يا ست الكل أنت هتعيشي إن شاء الله لحد ما تجوزي ولاد ولادي

تستمع بعد ذلك أصداء صوت ذكوري يقول لها

ـ ضحى لازم تيجي معايا دي فرصة عمرنا، وممكن نحل مشكلة طنط بإننا نخلي حد يقيم معاها في البيت علشان يراعيها
ـ أزاي يا ماهر تقول كده أنت مش عارف الحوادث اللي بتحصل الأيام دي
ـ هي مش عايزة تسافر معانا ، أوكي ... في بديل تاني قدمنا؟
ـ دون أن تضع عينها في عينيه… مش ممكن تلغي فكرة كندا دي وتاخد الدكتوراه من هنا
ـ طبعاً لأ … مين تكون عنده فرصة يسافر كندا وياخد دكتوراه منها وخصوصاً لو باحث كيميائي، وأنت عارفة البحث العلمي هنا ماشي ازاي ومفيش إمكانيات، وصعب جداً تطلبي مني محققش حلمي علشان طنط عايزة تموت وتدفن هنا
ـ ماهر بليز متتكلمش على ماما بالطريقة دي، مش من حق حد يسخر من أحلام حد تاني مهما كانت تافه أو بسيطة، هي شايفة أن الدنيا لا تعني لها غير شوية التراب اللي هيقربوا بينها وبين واحد عاشت عمرها كله بتحبه، أنت مشوفتش ماما وبابا كانوا بيحبوا بعض إزاي
ـ واضح تأثرك بكتب الفلسفة اللي في مكتبتكم
ـ دي أجمل حاجة ورثتها عن بابا، ومقدرش ألومك لأن حياتك كلها معادلات ونتائج، ولو روحنا كندا مش هنرجع غير للزيارة، وهتبقى هجرة

ـ وفي أيه هنا نبكي عليه، الدكتوراه ومستقبلي العلمي هناك حتى مستقبلك في البالية أفضل هناك
ـ شوف يا ماهر … إحنا حبنا جميل لكنه مش هيعيش لو ظلمنا حد في طريقنا، دايماً هيكون عندي إحساس بالذنب ناحية ماما بسفري معاك، ودايماً هيكون عندك إحساس بالذنب لو لمحت نظرة حزن في عينيا على ماما … وهيفضل سر عذبنا ضميرنا الحي
ـ بإيماءة تأكيد… نعم يا ضحى
ـ سافر يا ماهر … وأنا هفضل هنا جنب ماما
ـ يعني أيه
ـ مع إن حبنا كبير … لكن ظروفنا أكبر

رفعت رأسها على صوت اثنين من العمال يتهامسان … إحنا قربنا على الفجر، هي مش هتروح ولا ايه؟

نزلت من المسرح واتجهت إلى حجرتها وبعد دقائق خرجت منها مرتديه تنوره سوداء وجاكت جلدي أسود تخفي تحته كنزة حمراء، وخطواتها المثقلة تتقاذف ذكرياتها، وتلعن الصراع الدائر بداخلها … هل أخطأت حينما فضلت البقاء مع أمها وتركته يسافر وحده أم فعلت الصواب ؟؟؟ ظل السؤال يبحث عن إجابة دون رد

ركبت سيارتها مغادرة دار الأوبرا وسرعتها لا تزيد عن الأربعين كيلومتر فالشوارع خاوية في ذلك الوقت من الليل، عندما وصلت إلى منتصف كوبري قصر النيل توقفت بسيارتها ثم نزلت منها لتطل على النهر، فكثيراً ما يؤثرها إنكسار الأضواء على صفحة النيل كآمالها

لفت نظرها جريان مياه النيل القادمة من بعيد في اتجاهها لتمر من أسفل قدميها إلى الجانب الأخر من الكوبري مستمرة في الجريان لا يعيقها شيء، وتذكرت قول الفيلسوف اليوناني هرقليطس "إنك لا تستطيع أن تنزل النهر مرتين لأن مياه جديدة ستغمرك باستمرار" فإن الحياة لا تتوقف ويجب أن تستمر كمجرى مياه النيل، ولمعت عيناها على أمل جديد تحيى من أجله

نور … ينبعث من رحم معاناتها، لقد اهتدت إلى ضالتها، إن عملها في الأوبرا هَمُها الآن، إنه النور المنبعث من داخلها، ستولد نجوميتها الليلة وسيعطيها المسرح كما تعطيه وسيمنحها نوره كما تمنحه جهدها، وستحمل لياليه أسمها ويخلد ذكراها … إنها بطلته وهو حياتها

نظرت إلى يسارها وجدت شروقاً يبدأ من جديد … ابتسمت وركبت سيارتها منطلقة إلى بيتها، فإن لديها عمل هام يجب أن تنجزه الليلة

دقات على باب البطلة

ـ ستارة ، خمس دقايق على الستارة

تأخذ طريقها إلى خشبة المسرح وابتسامة الثقة تملئها، رغم حالة القلق والترقب على كل أعضاء الفرقة

تسمع دقات المسرح، ثم تفتح الستارة

تمت