الثلاثاء، 15 يوليو 2008

في شقة مصر الجديدة


أنا قلبي دليلي قالي هتحبي … ودايماً يحكي لي وبصدق قلبي … أنا قلبي دليلي … حبوبي معايا من قبل ما اشوفه … قلبي ده مرايه مرسوم فيها طيفه … شايفاه اه بخيالي … سمعاه اه بيقولي … يا حياتي تعالي تعالي … غني لي تملي وقولي لي تملي … الحب ده غنوة … كلها احلام … احلامها الحلوة … احلى انغام

على هذه النغمات الراقصة تبحث نجوى (غادة عادل) الفتاه القادمة من شمال صعيد مصر عن حبيبها الكائن بقلبها قبل أن تراه، بطلة فيلم "في شقة مصر الجديدة" 2007 للمخرج محمد خان والذي عرض في إطار أنشطة الأسبوع الثقافي المصري بالكويت

تذهب نجوى إلى القاهرة في رحلة مدرسية مع طالباتها بعدما أصبحت مدرسة موسيقى في نفس المدرسة التي كانت طالبة بها، مستغلة هذه الرحلة في البحث عن مدرستها تهاني التي ارتبطت بها وتذوقت على يديها الموسيقى والمعاني الحقيقية لحب الحياة، وظلت هذه العلاقة قائمة بينهما رغم نقل تهاني من مدينة المنيا إلى القاهرة من خلال المراسلات والإهداء في البرامج الإذاعية

تصل نجوى إلى عنوان شقة تهاني في مصر الجديدة لتجدها غير مقيمة في شقتها ولا احد يعرف مكانها وكل مراسلاتها السابقة لم تصل ليد تهاني وموجودة لدى الساكن الحالي لهذه الشقة يحيى (خالد ابو النجا) الذي يعمل في البورصة متأثراً بحياة المدينة الصاخبة مستقلاً دراجته النارية يجوب بها أرجاء المدينة والمرتبط بعلاقة حب باءت بالفشل لعدم رغبته في الزواج رافضاً قيوده، ويعد البطلين أشخاص عاديين من عالمين مختلفين تجمعهما قصة البحث عن تهاني

ويكتنف الأحدث لحظات من الغموض والإثارة لتوهم يحيى بوجود شبح روح تهاني في الشقة لاعتقاده أن هناك شيء ما غامض حدث لها بسبب غيابها غير المبرر، وبعد فشل نجوى في الوصول إلى تهاني لا تستطيع اللحاق برحلتها في قطار العودة مع رحلتها ويساعدها سائق التاكسي (أحمد راتب) ـ أرمل وله بنتان توئم ـ بالمبيت في بيت مغتربات الذي تديره (عايدة رياض) التي تحب سائق التاكسي حباً صامتاً

حاولت نجوى في اليوم التالي الوصول إلى تهاني وذهبت إلى المدرسة التي كانت تعمل بها أخر مرة دون الوصول إلى أي معلومة تفيدها في بحثها ثم زارت شقة يحيى مرة أخرى للبحث عن أي شيء يدلها على طريقها الذي رفض مساعدتها في بادئ الأمر وعندما تلمس تلقائيتها وجهلها بالقاهرة بعد تعرضها لشجار نشب بينها وبين شاب مستهتر صفعها على وجهها فتشاجر معه يحيى دفاعاً عنها وهي مغيبة من هول ما حدث لها غير مصدقة أخلاقيات العاصمة

تلامس شرارة الحب الأولى قلب تهاني في كدر أكثر من رائع، نرى بعيونها يحيى على دراجته البخارية وكأنه فارس أحلامها على صهوة جواده، وأثناء وجودهما في مطعم يتغزل يحيى في محيا نجوى لتقدم غادة عادل اروع أداء تمثيلي صامت يعبر عن خجلها وتوتر مشاعرها غير مصدقة ما تسمعه … هل هي هذه الفتاه التي يقال لها هذا الكلام؟ ولا تستطيع اللحاق بالقطار للمرة الثانية بعد حدوث حالة ولادة لسيدة في حمام محطة القطار وبالتالي لا تدرك قطارها

تعود إلى بيت المغتربات مرة أخرى، وبعد تأكدها من مشاعرها تجاه يحيى، تسعى للوصول إليه في بيته أو عمله دون جدوى، وهو كذلك يذهب إلى بيت المغتربات ولا يعثر عليها ويزداد إيقاع الفيلم سرعة وسخونه لتشعر بالخوف على الأبطال من أن لا يكلل حبهما بالنهاية السعيدة

يعثر عليها يحيى وهي في التاكسي متجه لمحطة القطار ويركبا معاً على دراجته البخارية متجهين إلى محطة القطار ويعطيها رقم هاتفه النقال مودعين بعضهما بنظرات تحمل كل معاني الحب في نهاية مفتوحة للمشاهد

يعد هذا الفيلم بالنسبة لمخرجه محمد خان أقل من مستوى "زوجة رجل مهم" أو "أحلام هند وكامليا" لكن بمقاييس سنة الإنتاج يعتبر من أفضل الأعمال السينمائية لهذه السنة، وأوقع الفيلم غادة عادل وخالد أبوالنجا في مأزق، فماذا يستطيعان أن يقدماه بعد هذا العمل الجيد؟

نرى شخصية السيناريست وسام سليمان واضحة في الفيلم وأن لها أسلوبها السهل الممتنع في تقديم المشاعر بتلقائية شديدة كما كان في فيلمها الأول "أحلى الأوقات" إخراج هالة خليل والثاني "بنات وسط البلد" إخراج محمد خان ، وما يأخذ عليها حتى الآن انها لم تقدم سوى أفلام تعتمد على البطولة النسائية وإن كان هذا ليس عيباً كبيراً مقارنة بأفلام السوق التي تكتب فقط للرجل، حتى فيلمها القادم أيضاً سيكون بطولة نسائية كما ذكر خان في ندوته التي اعقبت الفيلم

ما يؤخذ على الفيلم هو عدم الاستخدام الجيد لأغنية ليلى مراد "أنا قلبي دليلي" كلمات أبو السعود الإيبياري ولحن العبقري محمد القصبجي وقد لا تصدق أن من قدم هذا اللحن المبهج هو من قدم لأم كلثوم "رق الحبيب" وأكتفى خان بتقديم الأغنية بصوت ريهام عبدالحكيم مع الدعاية الخاصة بتسويق الفيلم دون أن يستثمرها بشكل جيد في مشاهد متعددة كانت تستدعي وجودها على شريط الصوت أو مع تيترات النهاية وخصوصاً إنها الغائب الحاضر والمحرك الرئيسي للأحداث من خلال بحث نجوى عن تهاني إلى أن تجد ما كانت تبحث عنه فعلا … الحب
وفي النهاية يبقى الفيلم حالة رومانسية يتحدث عن الحب دون أن يقول طرف للآخر كلمة … أنا بحبك

56 Comentários:

Aиgel يقول...

مساء الخير وليد ..
موضوع جميل جدا وسمح لنا بمجال من النقاش عن الحب من طرف واحد رغم أني لم أشاهد الفيلم ألا أني فهمت مغزى قضيته وذلك عن طريق سردك الجميل للموضوع..
صعب جدا الحب من طرف واحد رغم أني لم أتعايشه ولو مرة ودائماً أبتعد عنه أي عندي القدرة على ذلك
أقسى شيء أن تحب شخص لا يراك
والأقصى من ذلك عدم الإفصاح عن هذا الحب لمن لا يراك
فربما هو لا يعلم بحكم عدم التلاقى والتعارف
أليس من الحكمة الإفصاح والمحاولة
وكما يقولون
" داويها بالتى هى الداء"

ولكني أيضاً أرى أن الإفصاح قد يكون خطأ في بعض الأحيان وصعب وعيب أيضاً خصوصاً إن كانت فتاة...
أرى الموضوع يفتح أبواب النقاش

شكرا لك وليد وشكراً لقلمك المتميز
Angel Love

t3ban يقول...

بس الفيلم فيه حبة فانتزيا حلوة
زي مثلا مفيش بنت من صعيد مصر بتبات لوحدها 3 ايام
وموصلناش لحاجة
ممكن يكون علشان انا عمري مكنت رمنسي مفهمتش
بس هو احسن من افلام كتييير

!!! عارفة ... مش عارف ليه يقول...

angel
******
صباح الخير عبير
فعلا صعب الحب من طرف واحد ومؤلم جداً وممكن تقولي عليه

جمرة تحت الرماد لا تحرق إلا صاحبها

والحمد لله أن لديك هذه القدرة على تجنبه

واعتقد أن المصارحة قد لا تكون النهاية السعيدة لما ذكرتيه أنت من عدم التلاقي

وأعرف "س" من الناس وقف في الموقفين الحبيب من طرف واحد ومرة اخرى المحبوب من طرف واحد

وفي المرتين لم تكن هناك نهاية سعيدة فالاعتراف لا يحقق النتيجة المطلوبة

وبغض النظر عن الجنس فالانسان هو الانسان اياً كان نوعه فتى أو فتاه فالمشاعر واحدة .. وإن كان قصدك المجتمع الشرقي فهنا اتفق معك لازال هناك الكثير من العقول المغلقة

الشكر كل الشكر لحضورك المتميز
وليد

!!! عارفة ... مش عارف ليه يقول...

t3ban
*******
اعتقد حكاية المبيت بره البيت في الفيلم مبررة إلى حداً ما

وبالنسبة لجملة .. موصلناس لحاجة

دي هي سينما محمد خان تعرض تفاصيل لحياة يومية لناس عاديين ممكن يكونوا اي حد مننا ... ولا تهتم بالبداية والوسط والنهاية زي فيلم الحريف مثلا وفيلم أحلام هند وكاميلا وفيلم مستر كاراتيه ومع الفارق بين الافلام دي وفيلم شقة مصر الجديدة طبعا

وفعلا انا معاك انه احسن من افلام كتير موجودة حالياً

تحياتي
وليد

Unknown يقول...

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

!!! عارفة ... مش عارف ليه يقول...

Angel
********

اولاً مبروووك

وانا روحت هناك وعرفت فكرة المدونة وهي فعلا ظريقة ومحتاجينها اوووي
وأكيد هتكسر الدنيا

تحياتي
وليد

!!! عارفة ... مش عارف ليه يقول...

حسن محمد توفيق
*************
أنا قريت المقالة بتاعة مجدي الجلاد والموضوع ده كانوا بيناقشوه في العاشرة مساء على دريم
وزي ما قال مجدي هيتوافق عليه عادي زي اي حاجة بيتوافق عليها
البقاء لله

تحياتي
وليد

PrInCeSS BeRy يقول...

هاى يا وليد ازيك انا بصراحة مشفتش الفيلم بس حكايتك خلتنى عاوزة اشوفة انا شفت الاعلانات بس والتترات والاغانى بس توقعت من اول ما شفتها انو قصة حب بس مش هتمل مش عارفة لية لشان نظرات غادة للبطل طول الوت واحدة بتحب بس نظراتة عادى فى انت بسردك الجميل خلتنى عاوزة اشوف الفيلم

تحياتى لك

!!! عارفة ... مش عارف ليه يقول...

PrInCeSS BeRy
**************
أهلا بيري الله يسلمك
الفيلم حلو وهيعجبك ان شاء الله
لانه مختلف وبسيط اوووي مفيش فيه اي مبالغة في المشاعر ولو سمحت ليكي الظروف وشوفتيه

اتفرجي كويس اووي على مشهد غادة عادل وخالد في المطعم وهي مكسوفة حكااااااية

تحياتي
وليد

فاتيما يقول...

وليد
نفسى أشوف الفيلم دا بجد
هحاول ادور عليه
أنا متشوقة لشوية رومانسية وسك القسوة الموجودة فى كل شىء حوالينا دلوقتى
عرضك مميز و ينفع تبقى ناقد فنى
أسلوبك هايل
شوفت الفيلم بعين المشاهد المحب أكتر من مجرد التقييم الفنى البحت
تحياتى يا عزيزى

mohra يقول...

من الافلام القليله التى تترك فى النفس اثر بعد مشاهدتها
فيلم ناعم جدا وسط طوفان الافلام الكوميديه
اختيار جميل
تحياتى

El - Shandwely يقول...

هبتدى من الاخر برده وزى مانت اشرت الاغنية اللى اتوزعت كويس (وزعها تقريبا تامر كروان اللى عمل موسيقى الفيلم ) اندهشت لما ملقتهاش فى الفيلم وان وجودها مجرد يقتصر على مده وجود الفيلم فى السينما والدعاية ليه
..
احسن حاجة فى الفيلم انه رغم انه بديهى بيحكى عن مراحل تكوين قصه حب الا انها حصلت بطريقة غير تقليدية .. وتم التعبير عنها برده بطريقة غير تقليدية .. وده يمكن اللى خلى الناس افتكرت ان الفيلم مكملش وان فى حاجة ناقصة ..لاننا اتعودنا البطل هيحب البطلة وهيتحوزوا ويعيشوا فى تبات وبنات والكلام اللى بقى كله اكليشيه ده
... نقد ممتاز يا وليد

!!! عارفة ... مش عارف ليه يقول...

فاتيما
*******
ربنا يخليكي على المجاملة

هو فعلا الفيلم يخرج من موود الخنقة اللي حوالينا ده
بجد حاولي تشوفيه إن شاء الله هيعجبك

تحياتي
وليد

!!! عارفة ... مش عارف ليه يقول...

mohra
*******

شكراً ليكي ... هو كان حظي إن الفيلم معروض ضمن الاسبوع الثقافي المصري في الكويت ، وهو زي ما قولتي عنه

تحياتي
وليد

!!! عارفة ... مش عارف ليه يقول...

El - Shandwely
***************
ايوة يا شندويلي انا بجد كنت قاعد ومستني وعايز استمتع بيها اووووي
واتصدمت فعلا لانها بطل حقيقي في الفيلم
وممكن تقول انها سر ارتباط نجوى بتهاني
..
ملاحظتك عن قصة الحب راجع لوسام سليمان لان فعلا اسلوبها متميز جدااا
ومش من النوع اللي شباك التذاكر عنده اهم حاجة ، وبردو خان له بصمته على الفيلم وقال في الندوة إن تهاني كانت بتظهر في نهاية الفيلم وهي مسافرة لكن في المونتاج حذف مشهدها وفضل إنها تكون طيف في خيال المشاهد

وفعلا النهاية مفتوحة لكن المعطيات تؤشر لنجاح العلاقة واستمرارها
..
كل الشكر لاهتمامك يا شندويلي

تحياتي
وليد

عين فى الجنة يقول...

انا باعتبر الفيلم ده من اجمل ما قدمت السينما المصرية
وغادة عادل تالقت بشكل غير عادى فى هذا الفيلم
بالرغم من بعض الحشو الذى ليس له مبرر فنى مثل موضوع الاصوات فى العمارة والتركيز على الوحدة الوطنية بدون اى لزوم
لكن على العموم محمد خان ابدع فيلم جميل
وايضا احب اشكرك على تحليلك الرائع للفيلم خلانى عاوز اشوفه مرة تانية
تحياتى

!!! عارفة ... مش عارف ليه يقول...

راجى
******
فعلا أنا معاك في موضوع الأصوات ده وإنه مش مؤثر في الأحداث ولو مش موجود مش هتحس بغيابه

وفعلا غادة عادل قدمت دور إستثنائي
وده بيدل مع احترامي للجميع ان الممثل مش بنفس أهمية المخرج

مثلا احمد زكي أعظم ممثل في تاريخ السينما المصرية قدم البرئ مع عاطف الطيب والعوامة 70 مع خيري بشارة
وزوجة رجل مهم مع خان وأرض الخوف مع داوود عبدالسيد

إنما لما عمل فيلم سواق الهانم مع مخرج نص لبه كانت النتيجة الطبيعية الفشل

والشكر لاهتمامك بما قرأته
ووجودك بيسعدني كثيراااااا
ويثري المدونة بارائك القيمة

تحياتي
وليد

كلام على بلاطة يقول...

فى شقة مصر الجديدة
فيلم كويس
بس الاحسن افلام مصر الواقعية
وطوابير العيش
واحتكار الحديد
والبطالة
والزحام والمرور وقانونة الجديد
تحياتى

rovy يقول...

هو فعلا فيلم جميل رجعنا لاحساس الرومانسيه اللى مفتقدينه و الفيلم فعلا عجبنى ..

اشكرك جدا يا وليد على تعليقك عندى و كلماتك اللى بجد خففت عنى ..
رزقك الله السعاده اخى الفاضل

تقديرى و تحياتى

!!! عارفة ... مش عارف ليه يقول...

كلام على بلاطة
*************
طوابير العيش والاحتكار والبطالة والمرور
كل ده انا معاك فيه

بس كمان محتاج اشوف فيلم كويس علشان اقدر أخد نفس وأقدر استحمل لحد بكرة

تحياتي
وليد

!!! عارفة ... مش عارف ليه يقول...

rovy
******
ايوة محتاجين اووي الشوية دوول احسن الواحد تعب بجد

الشكر لله روفي
ربنا يحفظك من كل مكروه

دومتي بكل خير
وليد

كيكى عوووووو يقول...

عووووووووووووووووووووووووو
انا جيت اتخديت
..........................
ازيك اييييييييييييييية اخبارك
................................
للاسف الفيلم كان عندنا على الكمبيوتر
واخر نصف ساعة من غير صوت...فامردتش اتفرج علية
بس بعد كلامك ندمت
..........................
وعجبنى موووووووووووووووووووت
مغزى الفيلم من كلامك
............................
ربنا يخليك ويسعدك على طول الخط
عووووووووووووووووووووووووو

محمد حمدي يقول...

الفيلم جميل .. بس مش هو الى كنت منتظره من كلام اصدقائى .. يعنى انا سمعت من صحابى انه رائع بس حسيت انه عادى .. لكن الفيلم اعاد اكتشاف غاده عادل وورانا مساحات جديدة فى اداءها

تحياتى

!!! عارفة ... مش عارف ليه يقول...

كيكي
******
الحمد لله انا بخير

على العموم متزعليش اوووي علشان كان من الافضل انك تشوفي الفيلم على بعضه مرة واحدة علشان تستمتعي بيه وتحسيه اكتر
وإن شاء الله تقدري تشوفيه قريب
وابقي عرفيني رايك فيه ساعتها

ربنا يخليكي ويسعدك

وليد

!!! عارفة ... مش عارف ليه يقول...

Mohamed Hamdy
**************
عارف ليه ؟ علشان الانطباع اللي اخدته من اصحابك
خلى خيالك يسرح في الفيلم ويشوفه زي ما هو عايزة
ودايماً الخيال بيكون اروع من الحقيقة ولما تشوف خيالك قدامك على الشاشة هتلاقي في اختلاف
أعتقد ده هو السر

تحياتي لمرورك العطر
وليد

Radwa يقول...


انا اول زيارة ليه هنا وان شاء الله ما تكونش اخر زيارة
بس اعذرنى بجد الفيلم كان تحفة مليان معان جميله ورقيقه فيلم روحانى كده يهز مشاعر اى حد
مليان كلام جميل بس اللى يوصله
اول حاجه انها تدور على حد اصلا ما شفتوش من زمان ولسه قلبها متعلق بيه دا دليل على الاخلاص
تانى حاجه انها تعرض نفسها للخطر علشان تلاقى ابله تهانى وانها تسمع خبر موت مدرسه وتفكرها هى وترجع تدور عليها تانى دى معنى جديد
موضوع الموبايل دا دليل على طيبتها وتلقائيتها
موضوع سواق التاكسى احمد راتب وموقفه معاها دا معنى تانى خالص ان لسه الدنيا بخير
والولد اللى عاكسها دا دليل انها لازم هتتعرض للخطر
وان خالد ابو النجا يحبها ولما يلاقى ابله تهانى بعد ما كان بيزعقلها عنها دا حاجه جديده
وموقف يوسف داوود مع ابله تهانى
وموضوع رسايل الراديو موضوع تانى خالص
بجد الفيلم تحفة تحفة تحفة
وانا معنديش اى اعتراض عليه
تحياتى
........................
سندريلا

!!! عارفة ... مش عارف ليه يقول...

sendrlla
*********
طبعا انا سعيد بالزيارة دي وإن شاء الله متكونش الإخيرة بإذن الله

الفيلم فعلا زي ما قولتي تحفة من غير اعذااار
وفكرة البحث دي واضح انها مأثرة على وسام سليمان السيناريست لانها كانت موجودة في فيلم احلى الاوقات وفي الاخير كانت بتدور على حد بيبعت لها جوابات
وهنا بتدور على مدرستها وبيبعتوا لبعض اهداءات على الاغاني في الراديو
وفي الحالتين او الفيلمين لما بتوصل البطلة في نهاية بحثها بتكون لقت نفسها
وان البحث ده هو كان وسيلتها لمعرفة ذاتها

وسام كاتبة جميلة جدااا وحد مختلف بيقدم سينما مختلفة

تحياتي لتعليقك القيم
وليد

ست الحسن يقول...

مساء الخير

أنا اتفرجت على الفيلم ده في السينما وخرجت منه بحالة ( مبسوطة وتايهة وبفكر كتييير)

أكتر حاجة حسيت إن الفيلم وصلهالي ( أن البهجة تبحث عنَّا مثلما نبحث عنها)

وفكرة البطلة اللي بتحس ان عمر ما حد قالها بحبك ولا حد قالها انها جميلة وطول عمرها بتدور ع الحب ده ومؤمنة بيه لحد ما بقى عندها تلاتين سنة ولسة ما جاش

المشهد بتاع العريس اللي مضطرة مترفضوش
المشهد بتاع بيت المغتربات وعايدة رياض بتقولها لازم تتشرّطي وتاخدي اللي انتِ عايزاه

وطبعاً يا وليد مشهد المطعم ( أكتر من رائع )

حسيت ان الفيلم ده فيه حيوية وبيتكلم عن ناس ممكن تقابلهم أو تكون واحد منهم، يعني مش زي أفلام الرقاصات وبتوع المخدرات والأكشن

أنا استمتعت بالفيلم ده أويييييي

Unknown يقول...

الفيلم فكرة حلوة وتنفيذ فى اعتقادى الشخصى راقى
لفيلم مصرى معاصر
رغم غرابة الفكرة شوية الا انه جيد
يعنى صعيدية فى القاهرة الكبرى 3 ايام بلا ماوى محدد ولا اصحاب شئ يخض
بس مجمل حلو

أحساس لسه حى...كلام من جوه روح لكل روح يقول...

عزيزتى

الحب لغز كبير محدش عارف اسبابة وليه بنحب ده ومش معنى ده

لاكن اكيد اللى بيحب صح اللى بيختار صح علشان يكتمل الحب بجد

وزى ما قولتى شرارة اللقاء الاول اهم شئ

بيها بيبان ممكن يكون فيه حب ولا ممكن لا

تحياتى

سلام

Empress appy يقول...

معجبنيش اطلاقا مطلقا الفيلم ده وحسيته ضعيييييييييف جدا
بس خلاص

!!! عارفة ... مش عارف ليه يقول...

ست الحسن
********

أكتر حاجة حسيت إن الفيلم وصلهالي ( أن البهجة تبحث عنَّا مثلما نبحث عنها)
-----------
معنى جميل اوووي اللي وصلك ده

وإضافة لكلامك الرائع

اسماء الابطال بتعبر عن المعاني اللي وصفتيها دي والاسامي التلاته الرئيسية في الفيلم وكلها تدعو للتأمل

نجوووى ـ تهاااني ـ يحيييى


تحياتي لقرائتك المتأنية
لأحداث الفيلم
وليد

!!! عارفة ... مش عارف ليه يقول...

نهر الحب
********

معاكي في رأيك ده وأنه كان موضوع للنقاش في امكانية حدوثه من خلال تساؤلات كتيرة في الندوة اللي كانت بعد الفيلم وخصوصا من بعض الحضور المنتمي للصعيد وكمان علقوا على اللهجة وانها غير متقنة

وكان رد خان ان في جزء من أحداث الفيلم يعتبر تجربة ذاتيه لوسام سليمان

تحياتي
وليد

!!! عارفة ... مش عارف ليه يقول...

كلام.....لبنات حوا
*******************

عندك حق في كل كلامك

تحياتي
وليد

!!! عارفة ... مش عارف ليه يقول...

appy
*****
أممممممممم

وحهة نظر تحترررررم
واجمل حاجة في رأيك هو صراحتك المعهودة عنك

ولو لم تختلف الانظار لبارت السلع

تحياتي لتواصلك الدائم
وليد

حبيبـــــــة القمـــــر يقول...

فكرة اني اشوف غاده عادل كممثله في الدور دا كان غريب حبتين مش عارفه ليه مصدقتهاش اوي رغم حبي ليها جدااا

او يمكن مصدقتش ان فيه شخصيه من الصعيد بتتصرف بالشكل دا

عجبني الحب الصامت من عايده رياض

الجميل احساسي ان الفيلم بيتكلم عن اشخاص عاديين جدا
يمكن دا بيخلي الفيلم اقل اثاره لأن احداثه ماشيه تاتا تاتا ونهايته بالطبع معروفه

في النهايه انا بحب الاغنيه لكن من ليلى مراد بس لأنها بترجعني للاحساس بزمن الحب الجميل اللي يتصدق بجد مش كده وكده

اتكلمت كتير
بس لازم اقول اني بحب اشوف الفيلم من خلال كتابتك لأنك بتبرز اجمل مافيه

تسلم ايدك ودمت بخير ان شاء الله

!!! عارفة ... مش عارف ليه يقول...

حبيبـــــــة القمـــــر
************************
كلامك عن غادة عادل مقنع من ناحية اللهجة ويمكن مصدقتيهاش علشان دي اول مرة تعمل دور زي ده وبردو سبب منطقي حكاية انها صعيدية بردو

الحب الصامت مؤلم وفيه لوعة ويمكن ده سر جماله لانه بيكون كله شجن

وملاحظتك بتاعة الناس العاديين دي ملاحظة الجميع انه فيلم عادي لناس عادية ودي كمان من اهم مميازات افلام محمد خان لو رجعتي لورا شوية هتلاقي ان الحريف ومستر كاراتيه وعودة مواطن واحلام هند وكاميليا وفي فيلم تاني مهم جداااا مش من اخراجه لكن قصته هو اللي كتبها وهو سواق الاوتوبيس اخراج عاطف الطيب

طبعا ليلى مراد .. صوتها زي ما تقولي كده صوت الحلم قبل ما تقومي من النوم وانت سامعة الحلم لسه في ودنك
ربنا يرحمها

حقيقي حضورك النهاردة اسعدني جدا
دومتي بكل خير
وليد

بنت مصريه يقول...

هو الفيلم خلص على كده
وتهانى دى كلها العفريت خلاص
لازم تكون فيه نهايه مقنعه للمشاهد
والا هيطالب باستيعاد فلوس تذكره السينما ههههههههههههه

!!! عارفة ... مش عارف ليه يقول...

بنت مصرية
***********
العفريت بعد ما خلص على تهاني
لف على الناس اللي قعده:)

دومتي بكل خير
وليد

G H A R I B يقول...

الفيلم ده في خلال سنة شوفته حوالي 100 مرة .. 100 مرة بمعنى الكلمة
دخلته مرتين في السينما .. واشتريته لما نزل .. واتفرجت عليه في التليفزيون لما اتعرض في العشر ايام اللي فاتوا يوميا ومع ذلك ماملتش لحظة واحدة
بالعكس ..
انا ببقى في حالة فرح شديدة جدا طوال مدة الفيلم ولحد نزول اخر اسم في تيتر النهاية
ده يمكن اكتر فيلم مبهج عمله خان في حياته
خان يمكن الوحيد من جيله القادر على التواصل مع الجمهور
بيحفر في الصخر عشان يعمل افلام
اي نعم بيبقى فيه فترة (سنتين - تلاتة تقريبا) بين كل فيلم وفيلم لكن المهم انه بيحاول .. وبيعمل حاجات مختلفة عن الموجود في السوق .. وحاجات كويسة جدا كمان

وسام سليمان كتبت 3 افلام انا شخصيا بعتبرهم من افضل 3 افلام في الالفية الجديدة .. حتى لو اختلفت شوية مع بنات وسط البلد .. لكن تظل صاحبة حالة سينمائية مالهاش مثيل عندنا في مصر
واكتر مايميزها انها مش تقليدية زي ماقال "الشندويلي" .. حكاياتها مش تقليدية .. شخصياتها مش تقليدية .. نهاياتها مش تقليدية

اتمنى الثنائي ده -وسام وخان- يشتغلوا مع بعض اكتر لأن التعوان بينهم ممتع جدا جدا جدا

تحليل هايل ياوليد
ياريت تكتب كتير عن السينما .. :)

momken يقول...

ماشاء الله
انت اديت الفيلم طعم ولون وريحه
واديته ابعاد جديده مطونتش شوفتها فيه

فعلا العلام بينفع

انا شوفت الفيلم وقمت بعيد عنك اكنى كنت بشرب ميه
لكن انت ماشاء الله فهم ووعى وتتبع للاحداث

زيارتى لكم افادتنى جدا

بس مضطر ادخل الفيلم تانى
هات تمن التذكره بقى

تحياتى

فراشة البساتين يقول...

انا معك ان الحب من طرف واحدجمرة لا تحرق الا صاحبها
قد تظل مشتعلة طويلا
ولكنها تنطفىء فى لحظة بقطرة ماء
او دمعة من عين ارهقها السهر مناجاة للحبيب دون جدوى
وما ان تنطفىء حتى تكون فى طى النسيان ون اتى هذا الحبيب فانه ياتى بعد فوات الاوان ونقول له بكل كبرياء( فات الاوان)تلك هى الحقيقة

!!! عارفة ... مش عارف ليه يقول...

G H A R I B
**************

اتفق معاك في انه فيلم مبهج مقارنة بأعمال خان وإن كنت أرى أن "خرج ولم يعد" وممكن تقول كمان "يوسف وزينب" مبهجين إلى حداً ما

وبالرغم من ان وسام حكاياتها مش تقليدية وشخصياتها مش تقليدية إلا إنهم يشبوهنا اووووي وزي اي حد ممكن تعرفه أو تشوفه في الشارع

واحب أطمنك على الثنائي -وسام وخان- في احتمال كبير أنهم يشتغلوا مع بعض تاني لسبب بسيط وهو ان خان متجوز وسام وإن كان مش شرط للتعاون إنما في احتمال كبير بين حين والتاني نشوف لهم حاجة

شكراً يا غريب على مجاملتك بخصوص الكتابة في السينما
وفعلا انا بحب اكتب في السينما اووي وأول ما بديت كنت بكتب فيها والحمد لله قراءاتي ورؤيتي لمدارس مختلفة متشعبه

لكن في سبب بسيط مع الاسف وهو اني مش مقيم في مصر ولما بروح السينما هنا الفيلم بشوفه مشوه لان الرقابة هنا عشوائية ولك ان تتخيل ان يعقوبيان مثلا مقطوع منه 45 دقيقة ولولا اني كنت قريت القصة قبل ما اتفرج كان الفيلم وقع مني

يعني تخيل ان حاتم رشيد -خالد الصاوي- في الفيلم شوفته في مشهدين بسسسسسسس
ظهوره ومشهد المستشفى مع باسم سمرا لما ابنه مات

لكن في موضوع كنت كتبته عن الفيلم ده قبل ما ابدأ في التدوين وإن شاء الله هنزله قريب وأوعدك ان اول ما انزله اديك خبر لان انا كمان بيسعدني رأيك وبيهمني جدااا

وتقبل تحياتي
وليد

!!! عارفة ... مش عارف ليه يقول...

momken
********

ياباشا ربنا يكرمك

انا الشرف حصل ليا بزيارتك والله

تذكرة أيه يا راجل .. ده احنا نعملك عرض خاص :)

تحياتي
وليد

!!! عارفة ... مش عارف ليه يقول...

fire bird
************

دوماً مفرداتك محيره وتثير الدهشة .. وأن هناك أبعاد كثيرة خلف كل حرف تكتبيه

أقف كثيراً أمام كلماتك أتأملها وكأنها أبواب قبو يفتح على عالم لا متناهي

دومتي بكل خير
وليد

غير معرف يقول...

حبيب قلبي
تصدق لو قلتلك اني حسيت بأغنية ليلي مراد خارجة من البوست وانا بقرأه
دمت بخير يا اخي

G H A R I B يقول...
أزال المؤلف هذا التعليق.
G H A R I B يقول...

انا افتكرتك عايش في اسكندرية
بس الكويت ؟! .. امممممممم
الله يكون في عونك D:

منتظر منك اي بوست في السينما
انشالله حتى يكون عن كركر D:

!!! عارفة ... مش عارف ليه يقول...

مصطفي ريان
***********
حبيبي درشاوي

طبعااا مصدقك
أكيد ده طبيعي من قاص مهرف الحس زيك

تحياتي
وليد

!!! عارفة ... مش عارف ليه يقول...

G H A R I B
*************

اه والله
الله يكون في عون الجميع

إن شاء الله يا غريب .. بس حلوة اووي كركر دي :)

والحمد لله أن السينما جمعت بينا وعرفتني على حد فاهم سينما أووي زيك..وطبعا الشكر موصول للشندويلي

دومت بكل خير
وليد

ستات موجوعة يقول...

فيلم متميز جدا في رأيي

اجمل ما فيه تمثيل غادة عادل الي ببساطتها قدرت تقنع المشاهد بشخصية البطلة

RASHA يقول...

وليد اولا مدونتك جميلة جد وبتقول حاجة وموسيقى عمر خيرت تزيدها جمالا بالنسبة للفيلم جميل جدا وعجبتنى اوى غادة عادل لانها جسدت براءة الفتاة الصعيدية احسن مايكون واعتقد الاضاءة والديكور لعبت دور كبير بالرغم من ان الفيلم لم يلاقى نجاحا يستحقه تحياتى لك ودمت بخير

!!! عارفة ... مش عارف ليه يقول...

shasha
********
شكراً لمرورك العطر
وتذوقك العالي لعمر خيرت
-------
فعلا الفيلم من أهم ما يميزه الإضاءة والديكور خصوصا أن في جزء من الفيلم بيعتمد على الإثارة

وخان في الندوة وضح أن الشقة من الداخل ديكور في استوديو مش حقيقية في العمارة بس كانوا بيصور المدخل والمصعد قدام الشقة انما من الداخل كانت كلها في الاستوديو حتى البلاط القديم في الشقة كان مصمم خصيصاً للديكور وهو من مصنع بلاط حقيقي والممر المؤدي لأوضة النوم منحني قليلاً وده كان مقصود في الديكور

وطبعاً غادة عادل مبهره في الفيلم ده

والفيلم زي ما بتقولي محققش النجاح الكبير إلا انه يعتبر بالنسبة لتكلفته الانتاجية ناجح والارقام بتاعة شباك التذاكر مش بتهم اووي خان وحتى وسام شوفت لها تصريح صحفي قبل كده انها بتتكلم في نفس المعنى ـ وكان بعد فيلمها التاني بنات وسط البلد ـ ان النجاح المدوي ده زي محمد سعد مثلا والارقام اللي بيحققها مش هدفها
المهم يكون في قيمة في العمل
وده اللي بيجذب عشاق للفن السابع بقيمة شاشا

تحياتي
وليد

غير معرف يقول...

" الشباب والإصلاحات الفكرية "
انشغل الشباب العربي خلال هذه الفترة ، بمناقشة بعض المواضيع والتي تتعلق بالأوضاع الراهنة التي تمر بها المنطقة العربية في كل جوانبها ومعظم أقطارها وخاصة أحداث العنف وما يرتبط بهذه الأوضاع والإحداث الدائرة . ومن مُشكلات أخرى لها علاقة بالعالم الخارجي وخاصة في الغرب ، حيث أن العالم العربي يدخل ضمن المنظومة العالمية التي يؤثر فيها ويتأثر بها .
ومن خلال رؤية كثير من الشباب للأوضاع السائدة في المجتمع العربي التي ترتبط بالثقافة السياسية السائدة وقضايا الانتماء الحزبي والهوية الفكرية ، وما يشعر به بعض هؤلاء الشباب من وجود الانحيازية والكيل بمكيالين وعدم المساواة في المجتمع الواحد ، مما يجعل الشباب يُقبل على الهجرة من أوطانهم بسبب فقدان الأمل في المستقبل وإحساسهم بعدم وجود فرص حقيقية لصنع مستقبل أفضل لهم، وشيوع بعض المفاهيم السلبية مثل " الفهلوة " الشطارة " الحداقة " التفتيح " في الحصول على مصدر رزق .
وعدم قدرتهم على اتخاذ القرار المناسب بالنسبة للبقاء والعمل في أوطانهم أو الهجرة علماً بأنه ، وفي معظم حالات الهجرة، يكون قرار الهجرة مبني على أمل في تغير الوضع الحالي للأفضل والتأمل في بناء مستقبل أفضل وليس مبني على حقائق ومعلومات أو فرص عمل حقيقية مما يجعل من الهجرة " كابوس " وأيضا يعرض الشباب إلى مواجهة حياة صعبة غير التي كانوا يحلمون بها وتعرضهم إلى مصادمات قانونية تقلل من فرصة العمل أو التعايش سواء للأهل في أوطانهم أو في البلاد الأخرى التي يسعون إلى الهجرة إليها.
كذلك، موضوع القيم والسلوك والعادات والتقاليد المختلفة بين الشباب العربي ، وما يتعلق بذلك من مفاهيم للحقوق والواجبات والتي لا تكون محددة وواضحة ، ومسئولية الشباب تجاه أنفسهم وأوطانهم وكذلك تجاه الطرف الآخر خارج أوطانهم، وكيفية التواصل معهم من خلال الحوار وقبول الاختلاف في الآراء .
ولتفعيل دور الشباب في القيام بما يطلب منهم يجب على القائمين على مصالح الشباب عمل ندوات حوارية معهم لفهم مشاكلهم والعمل على حلها وتكون تلك الندوات بصفة دائمة ودورية ، ومن ثم نصحهم وعمل نشاطات " ثقافية - فكرية - رياضية " تساعد على تحقيق هذه الأهداف، وخاصة من أجل نشر ثقافة السلام القائم على العدل والبعد عن العنف، وتبني ثقافة التسامح والتي تقوم على القبول الاختياري والاقتناع، وليس على " الدكتاتورية أو التعصب أو العنف أو الإرهاب "


يوسف

bent ali يقول...

الحقيقة مقدرش اعدى على بوست بيتكلم عن فيلم مميز زى ده وماتكلمش عنه

بداية اختلف مع حضرتك فى ان الفيلم ليس بقوة زوجة رجل مهم واحلام هند وكاميليا، لان مش معنى ان الفيلم فكرته بسيطة ومفيهوش كلام كبير ان الفيلم يكون خفيف عالإطلاق، الفيلم ده تحديداً عبقريته بتكمن فى بساطته وعمقه فى الوقت نفسه

لكى نرى عبقرية خان فى هذا الفيلم لابد ان نتذكر أداء كلا من غادة عادل وخالد ابو النجا، فقد نجح نجاح باهر فى تحويل ممثلين عاديين إلى ممثلين من العيار التقيل، وأظن ان هذا الفيلم كان نقلة فنية وسينمائية لكليهما

تنساب بساطة وعمق قصة وسام سليمان، داخل كل مشاهد الفيلم فهو فيلم ما ان ينتهى حتى تشعر أنه أعطاك حلم حب، وعد حب، اعطاك رسالة فى زجاجة أمانى بأن البهجة تبحث عنك كما تبحث عنها، ودعم رسالتها الراقية الاغنية العبقرية لليلى مراد كخلفية لكثير من المشاهد..

اشكر اختيارك لفيلم مميز كهذا الفيلم وان كنت اتمنى تحليل اكثر عمقاً وثراءاً لفيلم شديد التميز

تحياتى أ. وليد

L.G. يقول...

الفيلم ده كان سبب في معرفتي لناس على الفيس مشتركين في صفحته
انا بأه فضلت ورا رقم التليفون اللي كان بيتقال في الفيلم وفي مرة رن ولقيت صاحبه اتصل بيا وقالي مين قلتله معلش اصل النمرة جت في الفيلم :( وكنت في غاية الاحراج بس الراجل طلع ذوق ومطلبنيش تاني :))))))))))
أنا كمان بدور على ميس أنوار بتاعة الانجليزي ولحد دلوقتي مش قادرة ألاقيها عشان ممنوع يدوني عنوانها من ملفات وزارة التربية والتعليم :((
تحياتي

Powered By Blogger
All Rights Reserved © Waleed AlZhairy - 2008/2013

وليد الزهيري © 2008. Template by Dicas Blogger.

TOPO