حكيم عيون
حكيم : مساء الخير.
سعيدة : مساء الخير يا دكتور.
حكيم: النهاردة في عندنا كم حالة؟
سعيدة: حالتين الأولى لطفل والتانية لآنسة.
حكيم: أول ما يوصلوا دخليهم على طول وبعد ما يمشوا نقفل العيادة الواحد ما صدق إن الأسبوع وصل لنهايته.
سعيدة: بابتسامة عريضة لأنها على موعد مع خطيبها لدخول السينما في نهاية الأسبوع ، حاضر يا دكتور.
سعيدة : مساء الخير يا دكتور.
حكيم: النهاردة في عندنا كم حالة؟
سعيدة: حالتين الأولى لطفل والتانية لآنسة.
حكيم: أول ما يوصلوا دخليهم على طول وبعد ما يمشوا نقفل العيادة الواحد ما صدق إن الأسبوع وصل لنهايته.
سعيدة: بابتسامة عريضة لأنها على موعد مع خطيبها لدخول السينما في نهاية الأسبوع ، حاضر يا دكتور.
تفتح باب حجرة الكشف بحركة سريعة وكأنها تفتح الباب لعزيز قوم.
سعيدة: اتفضل يا دكتور.
دخل حكيم وأول شيء فعله خلع جاكت البدلة ووضعه على ظهر كرسي المكتب الموجود على يمين الباب وفتح جهاز الكمبيوتر وقام بتشغيل بعض المقطوعات الموسيقية الكلاسيكية لبرامز ، تراجع بظهره إلى الخلف وكأنه يتحسس ظهر الكرسي تاركاً جفونه تسترخي مع صوت الموسيقى ثم فتح جفنه قليلاً ليتأكد من أن التكيف يعمل بالرغم من أن الإحساس بتأثيره كان ملموساً.
طرقت سعيدة باب المكتب قبل أن تدخل نظر إلى الباب ولم يجيب ودخلت هي تحمل فنجان من القهوة وضعته على المكتب ودون أن يقول لها شكراً خرجت في صمت وكأنها تعرف هذا الإحساس الذي ينتاب حكيم لتكرار هذه الحالة المزاجية عدة مرات قبل ذلك.
يعاني حكيم من حالة اكتئاب تسيطر عليه وصل تقريباً إلى منتصف الثلاثينات يشعر بالملل والرتابة ، يذهب صباحاً إلى مستشفى العيون، يجده مكتظاً دائماً بالحالات التي تدمي القلب وما تعنيه هذه الحالات من فقر وجهل وعدم إدراك لقيمة العين التي حبانا بها الله، وكذلك ضعف الإمكانيات المادية والفنية والأدوية الفاقدة لصلاحياتها، كل شيء حوله أصبح في حالة رثة، يتكلم قليلاً بطبعه انفعالاته الداخلية هي السمة الغالبة، يؤدي عمله ثم يذهب إلى بيته لبعض ساعات، متزوج ولديه طفله في الثامنة من عمرها، يذهب إلى عيادته في السادسة مساءً، هكذا كانت حياته اليومية.
عندما كان في المرحلة الثانوية كلما بحث لنفسه عن مهنه ينتمي إليها، يجيب بحسم طبيب عيون، لأنه يعشق العين وسحرها وعمقها وبقدر ما كانت تعجبه العيون الزرقاء إلا أنه مفتون بالعيون السوداء والتي تسبيه ويشعر فيهم بسحر ليالي الصيف وهواءه العليل، ويرق قلبه لبراءة عيون الأطفال ، كان يجيد قراءة لغة العيون فهي مفتاح الشخصية لديه.
تبدد كله ذلك بعد أن وجد نفسه بالفعل طبيب عيون وتحول عشقه للعيون إلى حالة شفقة… إن كارثته إنه لم يدرك أن العيون التي سيراها في مهنته من خلال المستشفى أو عيادته لن تكون إلا أعين مريضة فقدت صحتها لذلك أتت إليه لكي تتعافى، لن يسعد بجمال النظرة الأولى، وتمنى كثيراً أن يعود به الزمن ليختار عمل أخرى غير هذه المهنة التي أفقدته حالة العشق لسحر العيون.
سعيدة: طرقت الباب سعيدة وفتحت مباشرة مبتسمة، أول حالة وصلت يا دكتور.
حكيم : قولي لها تتفضل.
الام: مساء الخير يا دكتور.
حكيم: أهلا وسهلاً أتفضلي يا مدام ، خير إن شاء الله الأمور بيشتكي من ايه.
الام: مهاب كان بيلعب مع صاحبه بمسدس خرز وخرجت واحدة منه وأصابت جفنه وبعدها عينه التهبت.
قام حكيم من على مكتبه واتجه إلى جهاز الكمبيوتر الخاص بالكشف على العين الموجد في نهاية الحجرة على اليسار.
حكيم: تعالي يا مهاب اقعد هنا على الكرسي الجميل دا.
مهاب: حاضر.
حكيم : خايف ليه متخفش يا حبيبي.
مهاب: وهو يرتجف، حاضر يا عمو.
حكيم : افتح عينك واسند دقنك هنا ـ وأشار إلى المكان المخصص لذلك في جهاز الكشف حتى تكون عين مهاب مقابله له عندما يجلس على الجانب الأخر من الجهاز ليرى قاع العين ـ متخفش مفيش حاجة ، ايوة كده برافوا عليك.
حكيم : وهو متجه لمهاب ، متقلقش بسيطة إن شاء الله هنحط نقطتين من علبة القطرة دي وبعدين كل حاجة هتبقى تمام.
مهاب: تقلص في نفسه وكاد أن يختفي في مكانه من شدة الرعب والفزع، حاضر بس بالراحه.
حكيم : متخفش اوي كده افتح عينك براحه … شاطر فاضل نقطة كمان، بس خلاص لف تاني يا مهاب وحط دقنك في نفس المكان.
نظر حكيم من خلال جهازه متفحصاً قاع العين.
حكيم: الحمد لله ربنا ستر يا مهاب.
الام: خير يا دكتور؟
حكيم: بوجه عبوس ومتألم ، في قرحه بالعين وشرخ في الشبكية نتيجة لقوة الخرزة، وياريت تخلي بالك يا مدام اكتر من كده، واضح انك متعلمة خليتي ايه للجهلة ازاي تسبي ابنك يلعب بمسدس زي دا حرام عليكي الولد.
الام: مدافعة عن تقصيرها، أنت عارف الأولاد لما يشوفوا لعبة متقدرش تمنعهم.
حكيم : وهو يكتب العلاج ودون أن ينظر للأم ، والنتيجة عين ابنك كان ممكن تضيع لولا ستر ربنا، ياخد العلاج وإن شاء الله أشوفه بعد أسبوعين.
الام: وهي تأخذ مهاب، متشكرين يا دكتور.
حكيم: مع السلامة يا مهاب.
دخلت سعيدة لتجهيز حجرة الكشف استعداداً للحالة التالية، كان حكيم على مكتبه لا تصدر منه أي حركة ولمحته سعيدة بنظرة جانبيه وجدته في حالة مزاجية أسوء مما كان عليها قبل دخول الحالة الأولى، وبعد أن انتهت وبنبرة تأكيديه.
طرقت سعيدة باب المكتب قبل أن تدخل نظر إلى الباب ولم يجيب ودخلت هي تحمل فنجان من القهوة وضعته على المكتب ودون أن يقول لها شكراً خرجت في صمت وكأنها تعرف هذا الإحساس الذي ينتاب حكيم لتكرار هذه الحالة المزاجية عدة مرات قبل ذلك.
يعاني حكيم من حالة اكتئاب تسيطر عليه وصل تقريباً إلى منتصف الثلاثينات يشعر بالملل والرتابة ، يذهب صباحاً إلى مستشفى العيون، يجده مكتظاً دائماً بالحالات التي تدمي القلب وما تعنيه هذه الحالات من فقر وجهل وعدم إدراك لقيمة العين التي حبانا بها الله، وكذلك ضعف الإمكانيات المادية والفنية والأدوية الفاقدة لصلاحياتها، كل شيء حوله أصبح في حالة رثة، يتكلم قليلاً بطبعه انفعالاته الداخلية هي السمة الغالبة، يؤدي عمله ثم يذهب إلى بيته لبعض ساعات، متزوج ولديه طفله في الثامنة من عمرها، يذهب إلى عيادته في السادسة مساءً، هكذا كانت حياته اليومية.
عندما كان في المرحلة الثانوية كلما بحث لنفسه عن مهنه ينتمي إليها، يجيب بحسم طبيب عيون، لأنه يعشق العين وسحرها وعمقها وبقدر ما كانت تعجبه العيون الزرقاء إلا أنه مفتون بالعيون السوداء والتي تسبيه ويشعر فيهم بسحر ليالي الصيف وهواءه العليل، ويرق قلبه لبراءة عيون الأطفال ، كان يجيد قراءة لغة العيون فهي مفتاح الشخصية لديه.
تبدد كله ذلك بعد أن وجد نفسه بالفعل طبيب عيون وتحول عشقه للعيون إلى حالة شفقة… إن كارثته إنه لم يدرك أن العيون التي سيراها في مهنته من خلال المستشفى أو عيادته لن تكون إلا أعين مريضة فقدت صحتها لذلك أتت إليه لكي تتعافى، لن يسعد بجمال النظرة الأولى، وتمنى كثيراً أن يعود به الزمن ليختار عمل أخرى غير هذه المهنة التي أفقدته حالة العشق لسحر العيون.
سعيدة: طرقت الباب سعيدة وفتحت مباشرة مبتسمة، أول حالة وصلت يا دكتور.
حكيم : قولي لها تتفضل.
الام: مساء الخير يا دكتور.
حكيم: أهلا وسهلاً أتفضلي يا مدام ، خير إن شاء الله الأمور بيشتكي من ايه.
الام: مهاب كان بيلعب مع صاحبه بمسدس خرز وخرجت واحدة منه وأصابت جفنه وبعدها عينه التهبت.
قام حكيم من على مكتبه واتجه إلى جهاز الكمبيوتر الخاص بالكشف على العين الموجد في نهاية الحجرة على اليسار.
حكيم: تعالي يا مهاب اقعد هنا على الكرسي الجميل دا.
مهاب: حاضر.
حكيم : خايف ليه متخفش يا حبيبي.
مهاب: وهو يرتجف، حاضر يا عمو.
حكيم : افتح عينك واسند دقنك هنا ـ وأشار إلى المكان المخصص لذلك في جهاز الكشف حتى تكون عين مهاب مقابله له عندما يجلس على الجانب الأخر من الجهاز ليرى قاع العين ـ متخفش مفيش حاجة ، ايوة كده برافوا عليك.
حكيم : وهو متجه لمهاب ، متقلقش بسيطة إن شاء الله هنحط نقطتين من علبة القطرة دي وبعدين كل حاجة هتبقى تمام.
مهاب: تقلص في نفسه وكاد أن يختفي في مكانه من شدة الرعب والفزع، حاضر بس بالراحه.
حكيم : متخفش اوي كده افتح عينك براحه … شاطر فاضل نقطة كمان، بس خلاص لف تاني يا مهاب وحط دقنك في نفس المكان.
نظر حكيم من خلال جهازه متفحصاً قاع العين.
حكيم: الحمد لله ربنا ستر يا مهاب.
الام: خير يا دكتور؟
حكيم: بوجه عبوس ومتألم ، في قرحه بالعين وشرخ في الشبكية نتيجة لقوة الخرزة، وياريت تخلي بالك يا مدام اكتر من كده، واضح انك متعلمة خليتي ايه للجهلة ازاي تسبي ابنك يلعب بمسدس زي دا حرام عليكي الولد.
الام: مدافعة عن تقصيرها، أنت عارف الأولاد لما يشوفوا لعبة متقدرش تمنعهم.
حكيم : وهو يكتب العلاج ودون أن ينظر للأم ، والنتيجة عين ابنك كان ممكن تضيع لولا ستر ربنا، ياخد العلاج وإن شاء الله أشوفه بعد أسبوعين.
الام: وهي تأخذ مهاب، متشكرين يا دكتور.
حكيم: مع السلامة يا مهاب.
دخلت سعيدة لتجهيز حجرة الكشف استعداداً للحالة التالية، كان حكيم على مكتبه لا تصدر منه أي حركة ولمحته سعيدة بنظرة جانبيه وجدته في حالة مزاجية أسوء مما كان عليها قبل دخول الحالة الأولى، وبعد أن انتهت وبنبرة تأكيديه.
سعيدة: أدخل أخر حالة يا دكتور؟
حكيم : دخليها يا سعيدة.
فتحت الباب وهي تخرج منه.
سعيدة: اتفضلي يا انسه حنان.
دخلت حنان حجرة الكشف، تبدو فتاة في العشرين من عمرها ممشوقة القوام ترتدي نظارة سوداء، ومن خلفها دخل شخص واضح انه خطيبها من الخاتمان الموجدان في أصبعهما الأيمن.
حكيم: اتفضلي يا آنسة حنان أتفضل حضرتك...
رد مقاطعاً: غالب صاحب شركة غالب للاستيراد والتصدير.
حكيم: أهلا وسهلاً أتفضل.
غالب: وهو يضع سلسة مفاتيحه الذهبية وريموت سيارته المرسيدس على المكتب وينظر في ساعته ، شوف يا دكتور حنان خطيبتي بتشتكي من سحابة ظهرت فجأة على عينها الشمال مش عارفين السبب مع أننا مخطوبين من شهر بس وملحقناش نفرح بخطوبتنا وطبعاً مينفعش اخرج معاها وأنا ساحبها بالشكل دا.
حكيم: أتفضلي يا انسه حنان اقلعي النضارة واقعدي هنا على كرسي الكشف.
تأمل حكيم عين حنان اليمنى الغير مصابه، وهي ترفع عنها النظارة … كانت عينها مليئة بالحزن بالرغم من روعتها وسحرها وعمقها ولونها الأسود الأخاذ، كانت تنظر إلى غالب بانكسار وكأنها شاة مكبلة سيقت إلى جزارها.
حكيم: الحكاية دي حصلت من وقت كبير؟
حنان: أبدا يا دكتور من كم يوم فجأة حسيت بسحابة قدام عيني والرؤية مش واضحة ومش قادرة أعمل الحاجات اللي بعملها كل يوم.
حكيم: بتشتكي من صداع نصفي بشكل دائم؟
حنان: نعم يا دكتور والضغط عندي مرتفع دايماً.
حكيم: طيب أتفضلي يا حنان، في علاج بسيط إن شاء الله يساعد على توسيع حدقة العين بحيث تقدري تشوفي أحسن، ولازم طبعا تلبسي نضارة دايماً ومتعرضيش عينك لضوء مباشر، ولو محستيش بتحسن هنعمل عملية بسيطة بعد فترة بحيث الهالات الموجودة على عينك تروح إن شاء الله ، علشان تشوفي الدنيا بنظرة أجمل.
غالب: يعني في أمل يا دكتور ترجع طبيعية؟
حكيم: بإذن الله
غالب: بتنهيده وكأنه استرد مالاُ أنفقه على صقفة كادت أن تكون خاسرة، طمنتني.
حكيم: أجاب عليه بابتسامة باهته دون أي كلمة.
خرج الجاني وهو يأخذ بيد المجني عليها.
أغلق حكيم الكمبيوتر وترك سعيدة تطفئ الأنوار متخذاً طريقه إلى باب العيادة.
أغلق حكيم الكمبيوتر وترك سعيدة تطفئ الأنوار متخذاً طريقه إلى باب العيادة.
حكيم: محاولاً أن يبتسم، أجازة سعيدة يا سعيدة.
سعيدة: شكراً يا دكتور.
ركب حكيم سيارته متلاشياً وسط الزحام وهو يغني ساخراً من نفسه.
حكيم عيون أفهم في العين ... وأفهم كمان في رموش العين ... أعرف هواهم ساكن فين ... وأعرف دواهم يجي منين ... قريت كتير عنهم ... وقسيت كتير منهم.
سعيدة: شكراً يا دكتور.
ركب حكيم سيارته متلاشياً وسط الزحام وهو يغني ساخراً من نفسه.
حكيم عيون أفهم في العين ... وأفهم كمان في رموش العين ... أعرف هواهم ساكن فين ... وأعرف دواهم يجي منين ... قريت كتير عنهم ... وقسيت كتير منهم.





القصة حلوةواسلوبها بسيط
احييك عليها
- لو سمحت شيل تأكيد الكلمة لسهولة التعليق
mostafarayan
سعيد جداً بتواصلك الإيجابي والسريع
ومتشكر يا درش على رأيك في القصة وعلى تحيتك
ـ المرة الجاية إن شاء الله مش هتلاقي تأكيد الكلمة
تحياتي
طبعا قصه هايله
وفيه كام نقطه حلوين بتناقش مشاكل على فكرة مش الناس الجهله بس فعلا اللى بيسيبوا اولادهم بالمسدسات دى وبينى وبينك بيبهدلونا فى الشارع
على فكرة فيه امهات جاهله بس مش بتسيب الحجات دى هى اسمها اهتمام من عدمه بس
اما حنان فمش عارفه ليه صعبت عليا قوى
appy
====
شكراً على مجاملتك اللطيفة
وبالنسبة للأمهات فعلاً عندك حق الموضوع ملوش علاقة بالتعليم أو عدمه الحكاية كلها عدم اهتمام
وحنان إنسانه اووي راحت لمن لا يستحق
شكراً لك مرة تانية
قصة بجد هايلة .....احساسك عالى وجميل...وانت ياصديقى الجديد...خلصت امتحانات...ولازم تفضحنى تقولى كيكى انبوبة.......اسم المدونة حلو اوووووى
كيكى
====
شكراً على كلامك الجميل دا
وفرحت بوصفك ليا صديقي الجديد ودا شيء يسعدني جدا
وبعدين تعليقك بتاع كيكي انبوبه هو اللي لفت نظري ان في حد لطيف وبينكت حتى على نفسه ودا لأن فعلا روحك حلوة
ومبروك إنك خلصت الامتحانات وإن شاء الله يكون في بوستات جديدة من سلسلة يوميات برعي وتفيدة
وشكراً مرة تانية علشان اسم المدونة عجبك
تحياتي
قصة رائعة ووصفك ليه وهو بيسمع الموسيقى اروع ..
احييك على مدونتك وماتحتويه وبروفايلك اللى وصلنى ليك وليه قصة غريبة كده .. لكن مش وقته
C i n e m a w a y
=================
حقيقي أخجلتيني
ربنا يخليك
كلامك خلاني ارجع اقرا الجزء بتاع موسيقى برامز مرة تانية علشان اشوف التأثير الجميل دا اللي وضح في كلامك
وشكراً شكراًشكراً على مجاملاتك المتعددة للمدونة والبروفايل
وبصراحه انت شوقتني أني اعرف القصة الغريبة
ارجوك متغيبش لاني سعدت بيك اووووووووووووووووووووي
تحياتي يا صديقي
حقيقى بجد مش بجامل وبالنسبة لبروفايلك فانت المفروض تاخد عليه نوبل ..لو فى نوبل للذوق الرفيع
وحكاية البروفايل يا سيدى كالاتى :
انا بعشق حاجة اسمها موسيقى تصويرية وبعدها بيجى اى حاجة تانى .. فقلت انا احاول اعمل حصر للناس اللى عندها بلوجز واللى ليهم نفس الاهتمامات ...وانا مكنتش بحب اكتب حاجة فى البروفايل بتاعى لانى متلقلب جدا يعنى ممكن النهارده احب مزيكا فلان وبكرة اتردد فيها ..فقلت انا هعمل حركة انا هكتب فى البروفايل اسم واحد من الموسيقين اللى بحبهم وبعد كده ادخل واضغط عليه ...فلما بعمل كده بيطلعلى كمية الناس اللى على بلوجر وفى بروفايلهم نفس الفنان فكتبت عمر خيرت ...لاقيت الاف النتايج ..شلت عمر خيرت وحطيت ياسر عبد الرحمن .. النتايج قلت ..وكل ماتقل الاحظ فيها اسمك ..مفكرتش انى ادخل واشوف بروفايلك كان همى انى اعمل الاحصاء دى وبعد كده ابقى اشوف كل واحد فيهم ...قلت اما افلتر الموضوع شوية واركز على اذواق خاصة فكتبت راجح داوود ..فالنتايج قلت وبرده اسمك بينهم .. قلت اما اصعبها شوية واكتب علم قديم بقى فكتبت اندريه رايدر .. وهنا لاقيت اسمك متفرد لوحده ...قلت بس فدخلت واول ماسمعت موسيقى عارفه اتفاءلت خير وحسيت انى لاقيت مدونة من مدونات الذوق الرفيع ..وفضلت ادخل اكتر من مرة بس مردش مجرد اقرى وساعات حتى مقراش واسمع مزيكا خيرت ...هى عندى بس عارف زى مايكون عندك فيلم على الكومبيوتر لكن بتحب تتفرج عليه لما يتعرض على التلفزيون نفس الشىء مع عارفة عندى لكن بحب اسمعها عند حد تانى
بس هى قصة مملة شوية وتقريبا رغيت كتير بس هى دى الحكاية بتاعة بروفايلك
وتحياتى ليك ... يا صديقى :)
C i n e m a w a y
=================
بصراحه مش عارف أقولك أيه
اذا كان في جايزة استحقها على البروفايل فالجايزة هي تعليقك دا
وحقيقي أنا سعيد بمعرفتك واحنا يا صديقي جمعنا عشقنا للموسيقى والدليل هو احساسك العالي بحكيم وهو بيسمع برامز ولا أخفي عليك سراً
أني كنت بوصف احساسي وأنا بسمعه اثناء الكتابة لدرجة أني فعلا حسيت بالاكتئاب اللي كان عند البطل وفضل تأثيره عليا طول اليوم
وعلى فكرة لما سمعت يوهان اشتراوس عندك حسيت أني طاير حقيقي
واسمح لي أشكر جميع الموسيقيين اللي جمعونا
فلنعشق الموسيقى
هى الاغنية بتقول حكيم عيون افهم فى العين ولا يا سلام فى العين ؟؟
ما علينا
واضح ان اسلوبك فى تطور و القصة هنا كأنها مشهد سينمائى مدروس و كان الواحد بيتفرج فعلا على فيلم
بس هى ناقصة شىء واحد برغم جمالها و هو الهدف
دايما بنكون مستنين النتيجة او الهدف للقصة.. هنا مش واضح اوى .. عارف لما تحس انك لسه مستنى تسمع باقى الكلام هو ده الحال مع القصة هنا
عجبنى كمان كلام سينماواى عنك .. انت بقى حد سميع اوى و احنا مش واخدين بالنا ;)
دمت احلامك وردية
pink dreams
ازيك عامل ايييية ياصديقى الجديد..انت عارف كل ما اشوف مدونتك افتكر اغنية جميلة اوووووى لى على الحجار اسمها عارفة..انا بحب اووى الاغنية دى ونادر لمة بسمعها عارف بتقول اية هقولك بس الكلامات الى انا فكرها..عارف فرحة كبيرة وصوت مزيكا فى قلبى وكاننا حبيبن اتقبلوا بعد فراق...بتونس بيكى وكانك من دمى على راحتى معاكى وكانك امى....عارف لو حططها..تبقى جامدة اوووى مع اسم المدونة...دة طبعا براحتك..بس اسمعها حتى لو مش هطحطها..تحياتى صديقى
سعيدة اووووووووى انها عجبتك......الموسيقى حلوة اووووى سمعتها اكتر من مرة.......يارب مكنش ضيقتك ولا حاجة.....سلام علشان اركز مع الموسيقى...
pink dreams
===========
أغنية حكيم عيون الاختلاف الموجود فيها في الشطر الاخير لما كان بيقول قريت كتير عنهم وقسيت كتير منهم
هو المفروض العكس بس دا حصل علشان المعنى يكون واضح وأأكد عليه بإن سر اكتائبه كان بسبب لغة العيون وخلاصة القصة كلها في الاغنية دي وتحديداً الجزء دا منها ، قسيت كتير منهم
وبعدين ميرسي اوووي على كلامك اللطيف لتطور الاسلوب وان الصورة كانت واضحة بكل تفاصيلها
وعن ملاحظتك الدقيقة في ان القصة ناقصها هدف ، هنا القصة بتعرض تفاصيل يوميه لشخص معين وممكن نكون نعرفه بس الحكاية تسليط الضوء على مشاعرة في اللحظة دي بتفاصيلها البسيطة والدقيقة
أما حكاية سميع اووي ... دي مجاملة لطيفة منك :$
دمت أحلامك وردية
كيكي
====
على فكرة المدونة اساساً اسمها من اسم اغنية علي الحجار
وهي من كلمات بهاء جاهين ولحن عمر خيرت والحجار بالنسبة ليا يعني الكثير
وفكرة أني احط الاغنية على المدونة فكرة كويسة منك طبعا بس انا حطيت المزيكا بتاعة عمر خيرت ، معرفش بصراحة حسيت اني اخلي المزيكا بس افضل شوية من اني احط الاغنية
وطبعا شكراً جزيلاً على اهتمامك وملاحظتك
كيكي
====
أنا مش فاهم حاجة من تعلقك الاخير دا هي الموسيقى بتاعة الاغنية مش كانت بتشتغل عندك ولا ايه من الاول
عموما اتبسط اووي ان الموسيقى عجبتك وانك مستمتعة بوقتك هنا
تحياتي
بجد القصه جميله اوي واسلوبها خفيف ويدخل القلب بسرعه اوي
انا دخلت هنا بالصدفه والقصه دي سحرتني
بكل ما فيها عجبتني فكرتها اوي
وفكره سحر العيون
تحياتي لك
ساره البحر
==========
الله على الصدفة اللي شرفتني بمعرفتك
احساسك عالي اوووي بالقصة وفكرة سحر العيون المحرك الرئيسي لكل الاحداث
شكراً لك وللصدفة
تحياتي
عارفه....مش عارف ليه
القصة حلوه
بس مش مقتنعه انك كرهت المهنةدى
لان اكيد زى ما قابلت عيون مريضه وتعبانه
قابلت عيون غريبه وكلها حكايات حيرتك
ومن العيون دى كتبت حكايات
وكل مهنه ليها متاعبها
يعنى ما تندمش
دا انت حكيم عيون.........
الخلاصة
القصة حلوه وليها مغزى
وتحياتى على اسلوبك
البسيط الجميل المنمق
........
....
آه على فكرة
اسم المدونة.....
.............
.............
...........
..........
.......
.....
؟؟؟؟؟؟؟؟؟؟؟
fire bird
=========
شكراً لكلماتك
ولقراءتك المتأنية
بس بصراحة مفهمتش الجزء الاخير من تعليقك بتاع
اسم المدونة.....
.............
.............
...........
..........
.......
.....
؟؟؟؟؟؟؟؟؟؟؟
تقصدي ايه ؟ وسوري إذا كان سؤالي فضولي
تحياتي
جميييييييييييييييل جدا
علشان بيفكرنى كل ما اروح اعمل النضاره
والدكتور كل شويه يقولى ما تعملى لينسس احسن اقوله لا انا برتاح جدا فى النضارة
يقولى للا بصى انتى زى بنتى والنضارة مش حلوه عليكى
هههههههههههههههههه
ما علينا
بس بجد القصه حلوه اوى ما شاء الله والوصف جباااااار وربنا بجد الواحد بيعيش فى القصه واحداثها
واجمل حته عجبتنى بتاعة انه كان بيحب العيون وسحرها وبعدين فى شغله مبقاش يشوف غير عيون مريضه
سبحان الله
تحياتى وتقديرى لاسلوبك الرائع
ارجوك قبل ما اعلق غير استيل التعليق لانة بطى جدااااا لية مسحت البوست الى فات ولية لسة مكتبتش حاجة جديدة.....لعل المانع خيرررررررر تحياتى صديقى
اسم المدونة بتاعتك
عجبنى بجد
اول ما قريته دار فى عقلى ميت سؤال
حاجه كده غامضه وغريبه
تخليك تفكر فى مليون حاجه
وشكرا على زيارتك ليه
بس انا لسه ببتدى
ولما حد زيك يعلق عندى
دى حاجه جامده جدا
اتمنى ما تحرمنيش من الشرف ده
وتقولى رايك دايما
بس
بصرااااااااااااااااااااحه
اتفقنا
الى اللقاء
أنا عارف إنى جاى متأخر ياغالى
بس يلا بقى المسامح كريم
(:
القصة جميلة على فكرة
سلام
السلام عليكم
قصه جميله فعلا وشدتنى اقرأها للاخر رغم ضيق وقتى الان ..
ربنا يوفقك
دمت بخير وسلام
تحياتى
rovy
sometimes
=========
شكراً على كلامات التشجيع دي
وانت فعلا مسكتي الجملة اللي بنيت الموضوع عليها
شكراً ليكي مرة تانية
كيكي
====
مش واخد بالي تقصدي ببطئ استايل التعليق ايه
والبوست التاني كنت اجلته شوية لان كل التعليقات لقيتها جايه عليه وبصراحه انا بحب موضوع حكيم عيون اكتر شوية من التاني علشان كده قولت ادي له فرصة اكبر بحيث يكون متشاف اكتر
وبعدين التاني كمان مش كتبت فيه اد ما نقلت عن جرنال وكان صعبان عليا موضوع حكيم عيون فقولت اخليه ياخد حقه شوية
وفي موضوع كنت هنزله بس اجلته علشان كان في واحد صاحبي بعت لي موضوع "تاج" علشان ارد على اسئلته فاجلت الموضوع التاني للمرة اللي بعدها إن شاء الله
واخيراً شكراً على اهتمامك
تحياتي
fire bird
=========
شكراً إن اسم المدونة عجبك
وإن شاء الله هقولك رأيي
بصرااااااااااااااااااااحه
اتفقنا
شكراً ليكي مرة تانية
محمد صبحي
========
أيوة فعلا أنا كنت واخد على خاطري منك ... بس انت عارف إن في لينك عالي اوووي بينا
وكويس ان الموضوع عجبك معنى كده انه كويس بجد
سلام
rovy
====
وعليكم السلام
الجميل في تعليقك هو ان وقتك كان ضيقك وانها تخليكي تقعدي تكمليها ... دا كتير اووووووي
شكراً جزيلاً
روعـــــــــــــــة
تصدق انا زعلت على الآنسة حنان
الظاهر خطيبها مش مريحها وهمه المظاهر وبس
وحكيم برضه صعب عليا ما كنش عارف اللى مستنيه بعد سنين التعب الروتين والملل والعيون اللى بيعشقها لاقاها مريضة وبقى يشعر بالشفقة عليها
تصوير جميل جدا
ربنا يوفقك
nour
*****
تعرفي أجمل حاجة في تعليقك أيه؟
تفاعلك مع الشخصيات وأحساسك بإنها لحم ودم
وهقولك على حاجة بردو
وانا بكتبهم فعلا بحس أنهم لحم ودم وبفرح أوي لما يوصل إحساسي لحد
فعلا بحس إني كنت صح وأني قدرت اوصل الصورة زي ما انا شايفها
تحياتي لمتابعتك الجميلة جدااا
وليد
أيوة وبعدين !! معلش مش فاهمة افهم ايه من القصة يعني ؟ :))
القصة ناقصها حتة لسه متقالتش هي ايه مش عارفة
تحياتي
القصة ديه فكرتني بالنكتة بتاعة الورقة اللي طارت في النيل
إرسال تعليق